Ini ang naga viral nga video sa social media sang ginsinggitan sang isa ka homeowner ang mga gwardiya sang isa ka subdivision sa Barangay Mandalagan.
Ang lalaki sa video amo si Mark Ermeo nga sadto papauli na sa subdivision sang ginbalabagan siya sang mga gwardiya bangud wala siya sang may mapakita nga gate pass.
Ginsiling ni Ermeo nga napulo na siya ka bulan nga naga istar sa subdivision. Natabuan nga nalipatan niya ang gate pass sa ila balay kag lain naman nga salakyan ang iya ginamaneho sang ginbalabagan siya sa gate sang mga gwardiya.
naga buy and sell sang mga salakyan Si Ermeo.
Madamo naman sa mga netizen ang naakig sa kay Ermeo sang makita ang video gani karon nagakabalaka siya bangud sang mga nabaton niya nga pagpamahug sa kabuhi.
Si Ermeo ang nagaplano nga magpasaka sang kaso nga cyber bullying batuk sa mga gwardiya nga iya ginatudlo nagpalapta sang video.
Nagreklamu naman ang homeowners association batuk sa iya kag sila ang natalana maga atubangay sa barangay sa Oktubre 27.
Gina reklamo siya bangud gina pang parking niya ang mga gina baligya niya nga mga salakyan sa sulod sang subdivision.