Digicast Negros

Vallacar Transit gintagaan na clearance nga maka tabok sa border

Luyag sang Negros Occidental nga may pareho ukon uniform nga protocol bahin sa cross-border trips ukon ang pagsulod sang mga public transport buses sa Negros Occidental kag Oriental.

Nag hatag na sang approval ang IATF Negros Oriental sa trips sang Vallacar transit gikan Dumaguete padulong Bacolod via San carlos kag mabinay basta nasunod ang health protocol.

Pero suno kay Governor Eugenio Jose Lacson, kun ma plastar na ang pagpatuman sang uniform protocol sa duha ka probinsya ini ang mapatuman gilayon kag ginalauman ini sa sini nga semana.

Ginaduso sang Negros Occidental nga mag pakita lamang sang verifiable ID ang mga fully vaccinated travelers kag negative RT PCR test result naman kun wala nabakunahan.

Sa pihak nga bahin, indi na mag pa gwa ang probinsya sang executive order bahin sa pag gamit sang face shield. Suno kay Governor Lacson paga sundon sang probinsya ang kaundan sang mando sang national government.

Exit mobile version
Skip to toolbar