Utod sang napatay nga gang lider nga si Aki Cuadra ang dakop sa buy-bust operation.
Lalaki nga nalakip sa listahan nga nakit-an upod sang utod nga kamot, kag utod sang napatay nga gang lider nga si aki cuadra, dakop sa buybust operation
Arestado sa buy-bust operation kahapon sa Purok Sigay, Barangay 2 sa Bacolod ang duha ka persona nga ginakabig high value individual sang Police Station 2.
Isa sa mga nadakpan amo si Noel Diaz ukon alyas Jack nga nalakip sa listahan upod sang utod nga kamot nga nasapwan sa amo man nga barangay sang Enero.
Upod man nga naaresto amo si Carlo Cuadra nga anak ni Belinda Cuadra nga yara man sa listahan.
Si Carlo ang utod man sang napatay nga lider sang criminal gang nga si Aki Cuadra.
Nakuha sa ila ang malapit 14,000 pesos nga balor sang suspected shabu kag 600 pesos nga balor sang gina patihan marijuana. Detained sila karon kag kaso nga pag lapas sa RA 9165 ang ipasaka batuk sa ila.