Ginsakdag sang Kapitolyo Probinsyal ang ikatlo nga peoples organization summit nga naga tuyo sa pagpabaskog sang pagpangapin sa kagulangan.
Nalakip man sa kampanya ang pag restore sang mga mangroves kag ang pagpananum sang kahoy sa mga urban settings. Sa sulod sang 28 ka tuig na, padayon ang mga development projects sang Negros Occidental sa 69 ka mga ISF ukon Integrated Social Forestry program sites sang nagkalain lain nga mga peoples organization.
Ginpakilala man sa amo nga pagtililipon si Atty Julie Ann Bedrio bilang bag-o nga pamuno sang Provincial Environment Management Office.
Sang Hwebes na aprobahan sang selection board ang iya nga appointment kag ginahulat na lamang ang confirmation sang Sangguniang Panlalawigan.
Suno kay Bedrio talakayon sa summit ang mga current strategies kag innovation para mas mapaayo pa gid ang conservation kag management sang upland areas.
Ginapaabot nga ang summit magahatag sang higayon sa mga ISF association nga magpasundayag kag magduso sng ila nga mga farm products.