UNIFED ang nagsapol Biyernes sang aga sa mga alkalde sa probinsya para sa ginaduso nga aerial spraying bilang immediate nga aksyon kontra RSSI.
Sa pag sinapol upod sa mga alkalde ang tiglawas sang Davao Aerowurkz Corporation nga amo ang in-charge sa spraying gamit ang eroplano kag ang tiglawas sang pinakadako nga fertilizer and chemical supplier nga si Ruby Cruz.
Suno kay UNIFED President Manuel Lamata luyag niya nga personal sila maka istorya sa mga alkalde.
Ang gina duso nga aerial spraying ang naga balor suno sa iya sang P55,000 kada oras sang lupad sang eroplano nga sarang maka cover sang 100 hectares. Safe ini sa tawo kag bisan pa sa iban nga mga sapat-sapat nga beneficial sa tanom.
May 250,000 hectares sang katubuhan sa bilog nga isla sang Negros. Magabalor sang P200 million pesos para i-cover ang bilog nga isla.
Mas madasig ini kun ipaanggid sa drone spraying nga naga kinahanglan man sang 1,350 drones nga naga balor sang P175 million para ma cover ang bilog nga katubuhan sa Negros. Maga train pa suno sa iya sang drone pilots.
Kun backpack spraying naman magalawig sang duha ka tuig para ubos nga ma spray ang katubuhan. Kinahanglan nga likupon suno sa iya para indi na magsaylo pa ang RSSI.
Ang pag gamit sang fungi bilang pangontra sa RSSI ang long term solution na.
Labing importante nga masabat ang RSSI problem bangud naga apekto ini sa sugar production. Sa nagligad nga crop year gikan sa 2.1 million tons sang kalamay nadagdag ini sa 1.8 million tons.
Ang gasto para sa aerial spraying ang iga abaga na sang mga LGU sa amo nga proposal.
Magabulig naman ang Sugar Regulatory Administration bahin sa personnel.
Sa ulihi nga datus sang SRA mga 32 percent sang katubuhan sa Negros Occidental ang apektado sang RSSI.
[sibwp_form id=1]