Digicast Negros

UNDOC luyag ipauntat ang operation sang MVIC

Gina protestahan sang United Negros Drivers and Operators center ukon UNDOC ang pag-operate sang motor vehicle inspection center sa Bacolod.

Suno kay Diego Malacad, sila ang nagsulat sa siudad agudto hinyuon nga temporaryo anay nga pauntaton ang pag operate sang MVIC.

Luyag nila nga ipaidalom sa review ang kaundan sang memorandum circular kag pat-uron kun ini bala makabentaha sa industriya kag sa ekonomiya.

Kag ila nga ginapaabot sa karon ang pagtalakay sang ila nga hinyo sa session sang Sangguniang Panlungsod. Suno kay Malacad, kasubong nga daw ginsekreto ang pagtugot sang pag operate sini nga damlag pa gani ginpaiway anay ang pagpatuman sang inspeksyon paagi sa MVIC.

Ginpabutyag man sang isa nila ka katapo ang kabudlayan nga nasugata sang wala makapasar ang tricycle sini sa MVIC inspection.

Paathag naman ni Atty Alan Sacramento, ang legal officer sang LTO Region 6, humalin pa man sadto gina patigayon na ang inspection.

Sa karon outsourced na pero sa gihapon gina supervise sang LTO kag automated na. Indi lamang sa bacolod ini ginapatuman, may ara man sa iban nga probinsya. Sa mga lugar sa Negros Occidental sagwa sang sakop sang LTO Bacolod, sarang sa gihapon maka apply sang renewal for registration sa mga natungdan nga talatapan sang LTO sa kinaandan nga pamaagi.

Ang kasubong nga mga inspection suno kay Sarmiento ang covered sa national law.

Exit mobile version
Skip to toolbar