Natapna sang kapulisan sang Police Station 8 sa Bacolod ang tuyo kun tani pag palagyo sang pila ka mga preso sa ila gin patigayon nga greyhound operation sa detention cell sang Sabado.
Suno sa hepe sang Police Station 8 nga si Major Joery Puerto, ila natukiban nga gin pan-gutod na ang kabilya sa atop sang detention cell kag sarang makaigu ang inmate kag makapalagyo.
Dugang pa ni Puerto, hana na kun tani mag palagyo ang pila ka mga preso sang Biyernes apang wala madayon bangud sa may yara man sang naga bantay nga jailer. Na kilala naman sang PNP ang apat ka mga preso nga ila gina tan-aw mastermind sa pag pang utod sang kabilya.
Lunsay mga drug personality nga inmates ang ila ginatudlo. Posible suno kay Puerto nga gina padala sang mga inmates ang lagari sa ila bisita bangud sa wala man sang may na recover nga gamit ang kapulisan sa selda.
Mahimo man kwerdas sang gitara ang ginpadala kag gin usar sa pag lagari ang kabilya suno kay Puerto kag gin dungan ang pag lagari sa ila nga prayer vigil.
Wala na anay sa karon gin tugutan sang Police Station 8 ang pag bisita sa mga inmates sa selda kag ila naman gin welding ang mga ginlagari nga kabilya.