285 ka mga Tupad Workers ginpahanumdom nga magtrabaho kag indi lang basta mag-report sa duty kag magpa-picture.
Napulo ka adlaw nga trabaho ang ginhatag para sa 285 tanan ka mga Tupad Workers halin sa pito ka mga barangay sa Bacolod sang Department of Labor and Employment. Sa ginpatigayon nga orientation ginpahayag ni Councilor Celia Flor nga dapat amligan sang mga benepisyaryo ang nahatag nga trabaho sa baylo nga mag report lang sa duty kag magpa-picture.
Ginpasiguro man sang DOLE nga direkta nga mabaton sang mga workers ang masobra P4,500 nga sweldo bangud indi na ini mag-agi sa barangay.
Ang 10-day work program kabahin sa programa ni Senator Risa Hontiveros para sa mga disadvantaged kag displaced workers.
Nagsiling man si Mayor Albee Benitez nga magluwas sa amo nga higayon sarang man makapangita sang trabaho ang mga benepisyaryo paagi sa Public Employment Service Office sang siudad.