Nakuha sa video kagab-i ang pagkatumba sang isa ka truck nga puno sang karga nga tubo sa highway sa siyudad sang Himamaylan.
Nakita ang amat amat nga pag kahulog sang tubo sa truck tubtob sa natumba ini.
Suno sa traffic investigator, wala natalupangdan sang driver nga nabugto ang kable nga naga pugong sang mga tubo amo ngaa nag kadto na sa wala nga bahin sang truck ang mga karga sini.
Pag lab-ot sa kurbada nga bahin sang dalan, didto na nga natumba ang truck. Wala man na pilasan ang driver suno sa pulis.
Ang Himamaylan PNP ang hugot man nga naga patuman sa karon sang pagpangdakop sa mga overloaded nga truck gani dugang nga pahandumdom sang PNP amo nga dapat nagakaigo lang nga load sng ikarga sa truck agud malikawan ang kaangay nga insidente.
May insidente na sadto kun sa diin may isa ka pamilya ang napatay sang napilpilan sang truck sa Bago City.