Site icon Digicast Negros

Trisikad drayber patay sa pagpaniro sang armado nga lalaki sakay sa puti nga van

YouTube player

Pasado las nuebe sini nga aga sang, Nobyembre 5, ginsulod sang gunman sa iya gina istaran nga balay sa Purok Lubi, Barangay 3 sa Bacolod City ang trisikad drayber nga si Melchor Chavez.

Suno sa isa ka saksi, tatlo ka sunod sunod nga lupok sang pusil ang ila nga nabatian.

Isa lang ka gunman ang nakita nila pero suno sa mga kaingod balay may duha pa gid ka mga look out nga nakit-an nga naga bantay sa pihak nga eskenita.

Suno sa hepe sang Police Station 2 nga si Capt. Leo Gestopa, base sa panaysayon sang mga saksi, naka camouflage nga delargo kag naka jacket ang gunman. May naga hulat sa iya nga puti nga van sa dalan.

Dugang pa sang PNP wala man sang police record ang biktima pero ang iya sini nga amay ang nagsungka na sadto sa PNP bangud sang pagka imbulbado sa iligal nga droga.

Magluwas sa kay Chavez may duha pa siya ka mga kaupdanan sa balay sang ginsulod sang armado. Ang isa sa ila ang pilason kag gindala sa ospital samtang ang isa naman nga ginkilala kay alias Marlon ang wala nasamaran.

Base sa panaysayon ni Marlon si Melchor amo gid ang tuyo sang suspek.

Exit mobile version
Skip to toolbar