Magahulat anay sang taripa ang katapo sang transport coalition antes ipatuman ang P2 nga saka sa plete.
P2 nga saka ang gin aprobahan sang Land Transportation Franchising and Regulatory Board sumugod Hulyo 1.
Suno sa mga drayber, tuman ini kagamay kun ikumpara sa ginasaka sa bili sang krudo kada semana pero ila na lang nga gina pasalamatan.
Pero suno sa katapo sang Bacolod Negros Transport Coalition, magahulat pa sila sang fare matrix halin sa LTFRB Regional Office, antes isukot sa pasahero ang onse pesos nga regular fare.
Hwebes nagpadulong man ang katapo sang transport coalition sa opisina ni Bacolod Representative Greg Gasataya para mag submit sang ila mga petisyon, nalakip diri ang suspension sang excise tax, pagbuhin sang Value Added Tax sa presyo sang produkto petrolyo.
Dugang pa diri ang panawagan para sa pag suspend sang pagpatuman sang pag-phase out sang tradisyunal jeepney, pag extend sang provisional authority kag pagtukod sang satellite office sang LTFRB sa probinsya.