Site icon Digicast Negros

Trabaho nga medical coders para sa nurses

Frontliner sang Bago City ang nurse nga si Reline Mendoza, pero sang tion sang pandemic natagaan sang opportunidad pinaagi sa TESDA nga maka-eskwela sang medical billing professional course.

Isa siya karon sa trenta ka mapalaron nga nag-graduate kag natagaan sang opportunidad nga maka obra bilang isa ka us-certified medical coder.

Ang medical coder amo ang naga-translate sang diagnosis sang doctor sa mga codes agud mas mangin mahapos kag mangin efficient ang pag-proseso sang billing ilabi na sa tunga sang medical provider kag insurance company.

Suno kay Judilyn Canete, president kag CEO sang isa ka health information management company, dako nga opportunidad indi lang sa mga nurses ang medical billing profession kundi pati na sa probinsya sang Negros Occidental nga may ikasarang nga mangin education kag training hub sa pungsod.

Upod sa TESDAY, ang kumpanya ni canete amo ang nagtrain kag nagtudlo sa mga kasubong ni Reline nga mangin medical coders.

Bangud online ang trabaho kag pwede nga home-based, nagapati si Canete nga sa bulig man sang gobyerno makabulig ini para indi na mag-abroad pa ang kadam-an sa mga pinoy nga medical professional ilabi na karon nga pandemic.

Ang Negros Occidental Language and IT Center ukon NOLITC amo sadto ang nahauna nga nag-offer sang medical billing course sa probinsya kaupod man ang Bacolod – Negros Occidental Federation for ICT ukon BNEFIT kag Knowledge Process Outsourcing Firms para mapalambo ang healtcare information management jobs sa probinsya.

Exit mobile version
Skip to toolbar