Patay ang 39 anyos nga si Alden Alojepan matapos ini bun-on sang iya mismo nga hinablos kahapon sa Barangay Masulog sa La Castellana.
Sa imbestigasyon sang La Castellana PNP, upod inom kahapon sang aga si Alojepan kag ang iya hinablos nga si Justin Tribo sang hinali na lang sila nga mag baisay nga duha dala sang kahulugbon.
Nag kuha sa sulod sang balay sang kutsilyo ang hinablos suno sa pulis kag pag balik, iya na lang gilayon gin buno ang iya tiyo.
Gindala pa sa ospital ang biktima pero wala na ini masalbar.
Detained naman karon sa La Castellana PNP si Tribo.