Siudad sang Talisay ang naka record sang 42 ka bag o nga kaso sang Covid-19 subong nga adlaw kag ini ang pinaka mataas nga na record sa isa ka lamang ka adlaw.
Suno kay Dr Joy Guanzon ang city health officer ini sila ang mga close contact sang mga nag positibo sa Covid 19. 112 sa karon ang active case sang siudad kag natalana naman nga magbukas ang city hall bwas nga adlaw matapos nga nag sira ini subong nga adlaw para sa disinfection kasunod man sang pag positibo sang pila ka mga empleyado.
Sa Victorias City naman, 14 ang bag-o nga Covid-19 cases. 13 diri ang local transmission kag ini sila ang close contact sang isa ka gikan sa Talisay nga nag positibo sa virus. Wala naman may nagdugang nga nag positibo sa mga empleyado sang city hall.
Samtang, sa Bago City, 24 ang dugang nga kaso kag may isa nga ginreport na patay. Ini siya ang isa ka tricycle driver kag gikan sa dulao. Padayon ang contact tracing. Suno kay Ceander Rosquillo ang planning section chief, gina patuman ang granular lockdown. 28 ka pamilya ukon 111 ka persona ang apektado bangud may clustering sang Covid-19 cases. Padayon ang pagsaka sang kaso sa Bago City. Sa Abril lamang may 234 cases.
“(Ang tricycle driver indi to ya Dulao?) Dulao siya. But i think Indi ma establish whether related siya sa clustering of cases. May terminal na siya sa sum-ag. As of the moment ang amon city health office is on lockdown. Because May na identify na positive. So far gina ano man siya for decontamination,” suno kay Rosquillo.