Ginpatuhoy na sa Provincial Legal Office angut sa pagkadakup sang isa ka taga Himamaylan nga gikan sa manila nga nag gamit sang peke nga RT-PCR test result.
Suno kay Provincial Administrator Rayfrando Diaz, ang nadakpan nga persona sa karon ang naga paidalom sa 14 day quarantine kag natalana nga mag paidalom sa swab test lima ka adlaw humalin sang iya nga pag abot sa probinsya.
Ang natungdan na mismo ang maga bayad sa gasto sang RT-PCR test result.
Yara na sa provincial legal office kun ano ang kaso nga ipasaka batuk sa nag gamit sang RT-PCR test result suno kay Diaz.
Gikan sa Manila ang natungdan nga persona kag ini ang nag abot sa Bacolod-Silay Airport sang Martes.