Gindagsa sang masobra sa 3,000 ka mga jobseekers ang pinakauna nga Charter Day Job Fair sang Bacolod City kadungan sa pag-saulog sang ika-88 nga Charter Day Anniversary sang siudad.
60 ka mga kompaniya, lakip na ang anum ka mga overseas companies ang nagpakigbahin sa amo nga job fair kag gintanyag ang masobra sa 7,000 ka mga job vacancies.
Sandig sa record sang Public Employment and Services Office ukon PESO Bacolod, as of 12 noon, may 11 na ka mga jobseekers ang hired-on-the-spot.
Hunyo 18, ginadumdom sang siudad ang paglagda ni anay Presidente Manuel Quezon sang Commonwealth Act 326 nga nagbun-ag sa siudad sang Bacolod.
Las 6 sang Hwebes sang aga, ginabulubanta 500 ka mga salakyan ang nag pakigbahin sa ika-88 nga Charter Day Parade sang Bacolod City.
Ginsiling ni Bacolod City Mayor Greg Gasataya nga bisan wala sang bag-o sa tuigan na nga programa, nagtambong sa gihapon ang mga empleyado sang siudad kag nagkalain-lain nga mga kompaniya.
Isa ka Awarding Ceremony ang ginsakdag naman, para pasidunggan ang mga persona nga nangin instrumental sa paglambo sang Bacolod City, BCGC Lobby.*
[sibwp_form id=1]