Sa Biyernes ang send-off ceremony para sa mga security forces nga maga serbe sa Barangay kag SK Elections.
Pero suno kay Elections Supervisor Ian Lee Ananoria, duha ka semana antes, nag sugod na ang militar kag PNP sa pag deploy sang ila nga tropa sa mga lugar nga may mga security concerns. Ang mga barangay nga yara naman sa red category suno kay Ananoria ang gintutukan na sadto humalin sang na deklara ang estado sini. Wala na sang may nagdugang pa nga tropa gikan sa rehiyon suno kay Ananoria bangud nagakaigo naman ang kadamuon sang tropa nga yara mismo sa probinsya sa pag pasiguro sang kalinong sa sini nga piniliay. Ang mga barangay sa nabukid nga bahin naman ang ginapasiguro nga ang mga manunudlo nga maga serbe bilang electoral board ang may mga seguridad.
Samtang, ginapaabot man nga mangin mainit ang nabilin nga mga inadlaw, nagalaum si Governor Eugenio Jose Lacson nga ang mga Negrense makapatuman sang isa ka credible ang peaceful election.
“2 weeks before ara na na da sila ya, may presence na na. Ang mga red categories ya since nag declare red category na tutukan na na additional protocols kag additional personnel”, suno kay Ananoria.