Senador Imee Marcos ang nagpamuno sa pag panagtag sang 6 million pesos nga balor sang ayudad sa idalom sang Assistance for Individuals in Crisis situation sa siudad sang Bago.
Suno sa senadora, tig 3,000 pesos ang mabaton sang mga 2,000 ka mga benepisyaryo. Pero, suno sa Department of Social Welfare and Development coordinator para sa 4th District Angie Gelongo, 500 ka mga benepisyaryo gikan sa Bago City kag 500 naman gikan sa nagkalain lain nga mga banwa kag siudad sang 4th district ang nagbaton sang pay-out kaina sang aga.
Ini sila mga naga kinahanglan sang bulig medikal, mga PWD, kag nahalitan sang kalamidad kasubong sang bagyo kag sunog. Ginalauman nga makabulig ini piyan-piyan sa ila nga mga kinahanglanon, labi na sa tunga man sang kamahal sang balaklon karon.
“Alam natin na yung Bago at iba’t iba pang lugar sa 4th District nasalanta ng bagyo. Matagal na yung Odette pero marami pa ring hindi nakaka recover. We’re also here to find out the agricultural needs, maraming nasiraan ng palay, nasiraan ng bangka”, suno kay Marcos.
Nag gikan man sa Hamtic, Antique sa Senador Marcos kun sa diin ginpatigayon man ang pagpanagtag sang ayuda nga 6.2 million sa 2,075 ka benepisyaryo.
Ginpahayag man ni Marcos, nga may 5 million pesos nga assistance gikan sa Department of Agriculture nga pwede ma avail sang mga LGU para mabuligan ang ila nahalitan nga agrikultura. Suno sa iya sarang makahinyo sini ang mga alkalde nga yadto didto kaina.
“5 million each for the mayors who are here, because nga ito yung problema natin, maraming nasira na ani nung bagyo so it’s very important compensate natin yung farmers kasi wala na silang pera magtanim ng second round”, suno kay Marcos
Ang siudad sang Bago maga avail sini suno kay Mayor Nicholas Yulo para sa dugang nga equipment sa ila nga fisheries.
Nagpanagtag man sang Nutribun sa mga kabataan si Senador Marcos.