Napuno sang mga pamatan-on kag tiglawas sang nagkalain-lain nga sektor ang covered court sang Carlos Hilado Memorial State University-Alijis Campus sang mga nagtambong sa consultation nga ginpamunuan ni Senador Risa Hontiveros.
Natapos na ang hearing suno sa iya kag may duha pa ka nabilin nga consultation – isa sa central Luzon kag isa sa Mindanao.
Luyag nila nga mas mapalapit sa nagkalain -lain nga sektor ang gina duso nga hagna para maka kuha man sila sang nagkalain-lain nga perspective.
Target nila nga matapos ini sini nga session nga nagakasayuran nga may yara sila sang tubtob sa katapusan sang Marso para diri.
Isa sa mga ginhaboy nga pamangkot sa amo nga consultation nga kun bala matigayon gid man ayhan pasar ang hagna, labi na nga sa senado pa lang may pila ka mag-utod nga parehos naga pungko bilang senador.
Pero, suno sa senadora, puno siya sang paglaum kay sanday Senators JV Ejercito kag Erwin Tulfo mga authors sang Anti Political Dynasty Bill.
Nalakip sa mga priority legislation bisan sa Office of the President ang amo nga hagna suno kay Hontiveros.
Naga panawagan siya sang suporta sang publiko para sa amo nga hagna.
Nakaupod man si Bacolod Mayor Greg Gasataya kag mga tiglawas sang nagkalain lain nga sektor sa amo nga consultation.
“It’s authored already by 1/4 of the senate. 22 bills in the house. Priority ng LEDAC and listed as a priority legislation even by the office of the President. I am not yet optimistic, I am hopeful that’s even stronger”, suno kay Hontiveros.*
[sibwp_form id=1]