Probinsya sang Negros Occidental ang may kumpirmado nga kaso sang African Swine Fever.
Banwa sang San Enrique may masobra sa 500 ka mga baboy nga nagkalamatay.
Ginsiling ni Mayor Jilson Tubillara nga sang Lunes nila nabaton ang kumpirmasyon sang laboratory test nga may kaso sila sang ASF sa banwa. Linibo man ang populasyon sang ila nga baboy.
Gani naga patuman sila sang border control kag iban pa gid nga mga protocol para mapangapinan ang nabilin pa nga populasyon sang baboy sa banwa.
Ginsiling ni Governor Eugenio Jose Lacson nga may mga positive cases sa Negros Occidental sang ASF pero kalabanan sa na igo gid, ang sa sur nga bahin sang probinsya.
Ginahaylo nya ang istrikto nga pagsunod sa protocol kaangay sang pag palubong gilayon sa nagkalamatay nga baboy, pag butang sang apog kag pag disinfect.
Sa mga naga sagod sang baboy nga healthy pa, maayo nga I-dispose na ini sang temprano.
4.06 percent sang hog population sa probinsya ang apektado sang ASF ukon mga nagkalamatay suno sa gobernador as of June 23, 9am.
Ang Alliance of Hog Raisers Association of Negros Occidental damlag pa nag report na sang pagkalamatay sang baboy sa Himaymaylan City, Kabankalan City kag Ilog. May gin-report man pag kalamatay sang baboy sa Valladolid.
Ang banwa sang La Castellana ang nag patuman na sang pork ban antes pa man nag gwa ang ASF confirmation bilang pag pabaskog sang ila nga precautionary measures.
“May border control lang. Tapos gin instruct namon sila nga implement gid nila ang bio-security sa ila nga area para indi mag spread out. Kay siling namon kun indi nila pag sundon ang bio-security matabo nga maubos naman ang baboy namon. Daw tanan gid nga barangay ang apektado. Mga 400 to 500 na, sobra na gani. Damo pa man bilin kay pila man ka libo amon baboy”, suno kay Tubillara.
[sibwp_form id=1]