Maga padayon tubtob sa masunod nga tuig ang ridge to reef projects sang Provincial Environment and Management Office.
Suno kay Atty Julie Ann Bedrio ang PEM Officer sang Negros Occidental, wala labot sini, nalakip man sa 2022 budget sang PEMO ang mga legacy project ni Governor Eugenio Jose Lacson kasubong sang Provincial Integrated Safe Water Project.
Ang ini nga ten year project ang ginsugdan sini nga tuig nga naga tuyo sa pag paayo sang kalidad sang tubig sa probinsya.
Dugang pa ni Bedrio tutukan man ang Negros Occidental Coastal Wetlands Area Management nga tuyo iga expand sandig sa ila nga commitment sa DILG sa idalom sang Galing Pook Foundation.
Samtang, paagi sa nahauna nga Negros Occidental Governor’s Conservation Achievement award ginkilala sang probinsya ang mga grupo kag indibidual nga naghatag sang kontribusyon bahin sa pagpangapin sa dunang manggad.
Ang mga awardees ang gikan sa nagkalain lain nga sektor.