Booster shot vaccination para sa mga medical frontliners ginsuguran na sa mga ospital sa Bacolod.
Gintugyan na sang Bacolod Covid-19 Vaccination Council ang supply sang Moderna vaccines sa mga ospital nga para sugdan ang booster shot sa mga medical healthcare workers.
Suno kay Em Ang, Covac coordinator kag executive director sang Emergency Operations Center, may dose mil ka mga medical frontliners ang target nila nga mabakunahan sang booster shot sa Bacolod.
Sandig sa advisory sang Department of Health 6, nagakadapat nga may 6 months interval antes sarang makapabakuna sang booster shot ang mga individual nga nabakunahan na sang Sinovac, Astrazeneca, Moderna kag Pfizer vaccines.
Wala pa ginapatuman ang booster shot para sa Gamaleya Sputnik kag Janssen vaccines.
Bangud masako man karon ang mga vaccination areas para vaccination program para sa general public kag sa pediatric vaccination, plano sang pamunuan sang covac council nga ipatuman ang booster shot vaccination para naman sa mga senior citizens sa Nobyembre 25.