Natukiban sang Bacolod City Engineer’s Office ang 148 ka mga balay ang tukod sa sulod sang compound sang Dog Pound sa Barangay 35.
Ginsiling ni Engr. Loben Ceballos, pamuno sang CEO nga indi masugdan sang siudad ang pag construct sang bag-o nga building sa amo nga pasilidad bangud may mga balay pa sa lugar.
Nagpakig-angut na ang CEO sa Bacolod Housing Authority agud mahatagan solusyon ang amo nga problema kag gilayon sila nga mapahalin.
Dugang ni Ceballos, kapin sa 10 million pesos ang ginpa-in nga pondo sang siudad agud makapatukod sang bag-o nga building sa amo nga pasilidad kag may notice to proceed na ini.
Pagasugdan naman sang CEO ang pagkay-o sang mga cage kag pagtakod sang mga solar panels sa Animal Shelter. Kapin 3.2 million pesos ang pondo para sa amo nga rehabilitasyon.
Sa karun, nagahulat nalang ang CEO sa desisyon sang BHA kon ano ang nagakaangay ubrahon sa mga informal settlers sa lugar.
Kon tigayon na nga ma-rehabilitate ang amo nga pasilidad, sarang ini maka accommodate sang isa ka libo nga mga stray dogs.*
[sibwp_form id=1]