Mga Negrense ang gina pahanumdom nga siguraduhon nga luwas sa peligro ang pag sug-alaw sang bag-ong tuig kag ang nabilin nga inadlaw sang holidays.
Ang mga ospital sa probinsya ang damlag pa napaidalom na sa code white alert nga nagakasayuran nga on standby para sa ano man nga emerhensya sini nga holiday ang mga staff sang ospital.
Ang mga disaster teams naman ang napaidalom sa blue alert status sumugod Disyembre 30. Nalakip sa gina bantayan kag gina handaan amo ang epekto sang maulanon nga panahon dala sang shear line kag ang pag patuman sang Oplan Iwas Paputok.
Gina pahanumdom ang publiko nga sa tunga sang sinadya dala sang mga kahiwatan kag pagtilipon sini nga holidays indi pag kalipatan ang safety sang tagsa-tagsa kag halungan ang ikaayong lawas.