Provincial Veterinary Office ang sa karon amat-amat na nga naga identify sang mga farmers para sa sentinelling.
Pag dis-infect kag monitoring ang naga padayon karon nga may mga LGU pa nga naga report sang mortality ukon pag kapatay sang baboy.
Suno kay Provincial Veterinarian, Dr Placeda Lemana, naga sige ang dis-infection kag iban nga tikang sa pre-sentinelling.
Luyag nga ipasiguro sang probinsya nga handa na ang tanan.
Sa masunod nga tuig ang target sang Veterinary Office nga sugdan ang sentinelling ukon ang pag sagod sang baboy nga daw kasubong paon para mapat-od nga hilway naman gid ang lugar gikan sa African Swine Fever ukon hog cholera. Subong padayon ang pag identify sa mga farmers nga handa na para diri.
Suno kay Dr Lemana, ang Hinoba-an kag La Castellana ang nag report pa sang mortality ukon pagkapatay sang baboy sang Setyembre gani indi pa masiling nga hilway na ang probinsya.
“Sige-sige ni ang aton nga pagtan-aw kun sin-o ang pwede kay ma testing pa ta sang ila nga water source, ang ila nga surrounding testingan pa naton na sa laboratory kun may virus pa ukon wala. Ang aton program sa sentinelling kay supposed to be ang farmer na ya ang mabakal sang ila nga sentinel animal. Ma testing sila isa. Ang tawag naton na daw pa-on. Ang target naton supposed to be next year pa kay ari ta sa pre-sentinelling, kaso indi naton mapunggan ang iba nga mga farmers”, suno kay Lemana.