Nalakip sa gina monitor karon may angut sa gina paabot nga eleksyon ang presensya sang private armed groups sa Negros.
Suno kay Brigadier General Inocencio Pasaporte, ang pamuno sang 303rd Brigade sang Philippine Army, sa monitoring, may mga na muno nga mga private armed groups sa Negros pero ini sila ang inactive karon bangud ang pila sa ila nga mga lider ang na neutralize na sang PNP.
Gina lantaw man nila ang posibilidad sang pag hire sang mga private armed groups nga gikan sa gwa sang Negros.
Rason, nga gina pabaskog ang coordination sang tagsa ka Joint Peace and Security Coordinating Council ukon JPSCC agudto madasig ang pag monitor sa mga private armed groups bisan sagwa sang probinsya.
Suno kay Pasaporte, bilang pagpanghanda sa eleksyon, naga sugod na ang regular nila nga pagsapol. May naga pabilin man nga threat gikan sa rebeldeng New People’s Army sa mga nabukid nga bahin sang Negros pero indi na kasubong ka baskug sa nagliligad suno sa iya.
Wala man sa karon sang na monitor nga extortion actitivities kag liwat nga naga pahanumdom ang army nga indi maghatag bangud sarang makasuhan ang sino man nga naga suporta sa rebeldeng grupo labi na nga na deklarar na ang NPA nga terrorist group.