Digicast Negros

Presyo sang karne sang baboy kag manok nagsaka

Padayon ang pagsaka sang presyo sang karne sang baboy kag manok sa merkado sa Negros Occidental.

Sa March 14 nga weekly report sang Provincial Veterinary Office sa ila nga monitoring sa livestock kag poultry commodities, may pagsaka sa presyo sini sa bilog nga probinsya. Ang San Carlos City, Talisay City kag Hinigaran ang may pinaka mataas nga saka sa presyo sang baboy. Gikan ini sa 290 pesos sa kada kilo, karon, 300 pesos na ang kada kilo.

Kun iga average 4 pesos kag 46 sentimos ang ginsaka sa kada kilo sang baboy sa mga merkado sa bilog nga probinsya.

Samtang, 3 pesos kag 49 sentimos naman ang average nga ginsaka sa kada kilo sang carabeef kag 1.98 pesos naman ang sa karne sang baka.

Bahin naman sa presyo sang manok, sa gihapon ang siudad sang Victorias ang may pinaka mahal nga saka.

Gikan sa 240 pesos ang kilo, karon 260 pesos na ang kilo. 1.74 pesos naman ang average nga saka sang kilo sang manok sa mga merkado sa bilog nga Negros Occidental.

Sa report ni Dr Renante Decena kay Governor Eugenio Jose Lacson iya ginsiling nga ang pagsaka sa presyo tuga sang pagsaka man sa presyo sang feeds amo man ang sunod-sunod nga saka sa presyo sang produkto petrolyo.

Exit mobile version
Skip to toolbar