Pre-hospital Emergency Law ginaduso agud mas mahandaan ang pagluntad sang trahedya kag kalamidad.
Sa forum sang Bacolod DRRMO angut sa disaster preparedness gin-demonstrate sang kilala nga emergency management expert nga si Dr. Ted Esguerra ang mga tikang kag pagsulundan para sa mga emergency responders kag volunteers.
Nagtambong sa forum ang katapo sang BFP, mga barangay officials kag tiglawas sang ila emergency response unit kag pati na mga volunteer organizations.
Madason man ini nga ginpakita ni Dr.Esguerra sa mga persons with disability kag senior citizen sa separado nga forum nga ginhiwat sa SM City Bacolod.
Para kay Esguerra importante man nga may katapo sang emergency responder sa pamilya.
Iya man ginaduso ang pagpasar sang pre-hospital emergency law nga mahahatag giya sa mga emergency responders kag mga local government unit agud mas mahandaan ang pagluntad sang trahedya kag kalamidad kasubong sang linog kag bagyo.
Ginakalipay naman sang PWD Federation nga natagaan sila sang higayon sang mall management kag DRRMO agud mas mahanas pa ang ila ihibalo agud makaluwas sa posible pagluntad sang emerhensya.