Ang mga nakuha nga mga vaccination cards kag certificate ang halos wala gid kinalain sa gina release sang vaccination centers sang Bacolod.
Suno sa kay Police Station 1 commander Major Ramel Sarona, ila nadiskubrehan nga may soft copy sang dokumento sa paghimo sang vaccination cards ang tatlo ka mga nadakpan nga sanday Lorisa Funelas kag ang mag asawa nga sanday Maribeth kag Ivan Joros.
Laptop kag printer ang gamit sang tatlo sa pag himo sang fake vaccination cards kag cerfiticates kabaylo ang kinyentos pesos.
Natukiban lang nga peke ang mga ini bangud sang control number kag nag baliskad ang ngalan sang duktor kag nurse.
Dugang pa ni Sarona isa ka concerned citizen ang naka tip sa ila sa iligal nga aktibidades sang tatlo amo kun ngaa napatigayon ang operation.
Dugang pa ni Sarona, posible madamo na sang na isyuhan sang peke nga mga dokumento kay kadamo sila sang naabtan nga mga sample sa balay nga gina tiniran sang tatlo.
Suno sa iya, ang natabo sa mga suspek, pa sampol pa lang nga seryoso ang otoridad sa pag lagas sa mga naga pameke sang sini nga mga importante nga dokumento.
Lunes sang gindakop ang tatlo sa Barangay 24.
Na release na sila maka ligad ang dose oras nga reglamentary period pero nag file na ang PNP sang reklamo nga pagsupak sa RA 11332 kag falsification of public documents batok sa ila.