Nag pa gwa na sang legal opinion ang Provincial Legal Office angut sa kaso sang SB member sang La Castellana nga maka anum na ka beses nga nag-absent sa session sang konseho.
Suno kay Provincial Legal Officer Alberto Nellas, Jr., ila na nga napadala ang ginhinyo nga legal opinion ni La Castellana Mayor, Rhummyla Nicor-Mangilimutan.
Una, suno kay Nellas, sarang, nga maka file sang complaint base sa Local Government Code ang alkalde batuk kay SB Member Donato “Natnat” Dumaguit sa Sangguniang Panlalawigan.
Ika duha, pwede man nga ma refer sang alkalde sa Sangguniang Bayan sang La Castellana subject naman ini sa Internal Rules of Procedure sang SB.
Suno kay Nellas yara na karon sa alkalde ang decision kun ano ang mangin disciplinary action kay Dumaguit.
Klaro ni Nellas ang duha ka mga options nga ila napatpat pwede man nga pareho mapatuman ni Nicor-Mangilimutan.
Si Dumaguit ang ginpasakaan sang reklamo angut gina alegar police recruitment scam kun sa diin ginsiling sang mga tagreklamo nga sila ang nagbayad sa pasalig nga sila ang tigayon maka sulod sa PNP.