Ang katapo sang small sugar planters sa probinsya kabahin sang sector nga nagpabilin nga mabakod sa pihak sang hangkat sang Covid-19 pandemic.
Gani sa pagsugod sang milling season karon nga tuig, sila ang nagapabilin man nga prayoridad sang Victorias Milling Company.
Pinaagi sa caravan, mismo ang katapo sang management sang vmc ang nagkadto sa mga small sugar planters agud mas mapahapos sa ila ang pagparehistro.
Si Maria Casama, nalipay kay magluwas nga naka rehistro na sa sentral, nakabaton man siya sang bulig, kabahin diri mga grocery items kag mga face mask nga ginakinahanglan nila sa masako nga trabaho halin sa kampo pakadto sa central sang tubo.
Nagapati ang tagdumalahan sang VMC nga sa padayon nga pag ugyon sang katapo sang sugar industry magapabilin nga masanag ang pala abuton sang industriya sa tunga sang pandemya.
May kwatro shientos tanan ka mga sugar planters ang tuyo sang VMC nga maparehistro sa planters’ caravan kaupod man sa ila napili nga partner association sa pagbukas sang milling operation karon nga tuig.