Pito ka mga ido nagkalamatay matapos gin-alegar nga ginpanghiluan sa subdivision sa Barangay Granada sa Bacolod.
Sa gin-post nga mga litrato sa social media ni Eliyah Gallego makita ang mga litrato sang mga ido nga nagsululuka antes pa nagkalamatay.
Sa pagpang-usisa sang City Veterinay Office, napat-ud nga ginpanghiluan ang pito ka mga ido nga nagkalamatay.
Kadam-an diri mga layaw kag iban mga hinuptanan sang mga homeowners.
Ginsiling ni Assistant City Veterinarian Dr. Jec Cabuguason, makaduha na ini ka beses nga natabo sa Negros Providence Subdivision sa Barangay Granada.
Ini ang iya lubos nga ginakondenar upod sa mga animal rights advocate nga karon nagahinyo sang hustisya para sa mga ginpamatay nga hinuptanan.