Pamuno sang Provincial Incident Management Team ang naga-abiso sa mga magapadulong ukon magapauli sa Negros Occidental nga likawan gid ang pag-transaksyon sa mga makaduluda nga persona ilabi na sa pagkuha sang RT-PCR test result.
Suno kay Zeaphard Caelian, indi malikawan nga humalin sang gina-require ang negative RT-PCR test result sa mga magasulod sa probinsya may mga namutikan ukon na intercept sila nga mga peke nga test results.
Hugot ang pagpatigayon sang monitoring sa border sang probinsya nga nagalakip sa mga airport kag seaport kag sa mga border sa Negros Oriental.Nagapabilin sa gihapon ang pag comply sa S-Pass kag StaySafe para sa mga magasulod sa probinsya sandig man sa travel protocol sang national IATF.
Ang mga madakpan nga nagsupka sini lakip na ang pag gamit sang peke nga RT-PCR test result ang may salabton.
Samtang, 1,984 ang active cases karon sang Negros Occidental sa July 30 nga report sang PIMT. 102 ang naka recover gikan sa virus kag may isa nga napatay bangud sang Covid-19.