Sa Negros Oriental, may mga pamilya man nga ginpang evacuate humalin sang kahapon bangud sang baha.
Sa Santa Catalina, ginreport sang Municipal Disaster Risk Reduction and Management Office nga may 61 ka mga pamilya ang gindala sa evacuation centers bangud sang pagbaha.
May mga pamilya man sa Zamboanguita kag Siaton nga ginpang evacuate. Pati mga talamnan natabunan sang tubig baha.
Ang Provincial Disaster Risk Reduction and Management Office ang naga consolidate pa sang kadamuon sang mga pamilya nga nag evacuate bangud sang baha kag mabunok nga ulan pero may mga pagkaon kag hygiene kits na nga ginpanagtag sa ila.
Subong nga adlaw gin suspend man ang klase kag trabaho sa bilog nga probinsya bangud sang maulanon nga panahon pinaagi sa ginpagwa nga executive order ni Governor Manuel Sagarbarria.