Pormal nga nagpadangat sang adminstrative charges ang Progressive Alliance of Capitol Employees ukon PACE batuk kay Provincial Human Resource Officer Atty Annabelle Palic.
Gin-file sang PACE ang reklamo sa Office of the Governor paagi sa talatapan sang provincial administrator kaina sang aga.
Acts of oppression, acts prejudicial to public interest kag grave abuse of discretion ang gin-file sang pace batuk kay Palic may kaangtanan sa suno sa ila pag deprive sa mga empleyado nga nagmasakit bangud sang Covid-19 sa ila nga leave credits, pagka delay sang sweldo sang mga job order kag ang pag pabalik balik sa mga retirees sa pag proseso sang ila nga mga benepisyo.
Suno kay Renelo Lastierre ang presidente sang PACE ang pagpablin ni Palic bilang pamuno sang human resource prejudicial sa interest sang provincial government kag ini ang maga tuga sang dugang nga halit.
Nalakip sa dokumento nga gin-submit sang PACE amo ang resolution sang PACE para sa filing sang kaso kasubong man ang 694 ka mga lagda sang nag petition batuk kay Palic.
Natalana man mag file sang kaso kriminal kag administratibo ang PACE batuk kay Palic sa Ombudsman. Depende na sa Ombudsman ang pag assess sang reklamo.
Sa karon yara sa Office of the Governor na detail si Palic kasunod sang pagsaylo sa iya may kaangtanan sa amo nga reklamo sang PACE.
As of press time, wala malambot si Palic.