Padayon man nga manubo ang kadamuon sang Covid-19 cases sa probinsya pero maid-id nga gina patuman ang monitoring sa kada adlaw.
Ini suno kay Dr Ernell Tumimbang ang provincial health officer, labi na nga suno sa iya ang una nga semana sang sini nga tuig ang labing ginabantayan nila.
Suno kay Tumimbang, ang mga kaso sa tagsa ka LGU ang ginalantaw ilabi na kun may matabo nga clustering of cases ukon ang pagdamo sang recorded cases sa isa ka lugar.
Ang sitwasyon sa mga kaiping nga probinsya ang ginatutukan man suno kay Tumimbang. 176 ang active cases sa probinsya sa report sang Provincial Incident Management team as of January 4.
Padayon ang kampanya sa bakuna bilang isa man sa mga tikang nga mapangapinan ang kaugalingon labi na sa gina bantayan karon nga Omicron variant.
Nagbalik naman ang pagdul-ong sang bakuna sa mga lugar nga may kuryente na. Nagapati si Tumimbang nga malab-ot sang probinsya ang target nga herd immunity sa bulan sang Pebrero.