Ginsugdan na sang Department of Social Services and Development sang Bacolod City ang pagpanagtag sang mga grants sang ladderized centenarian beneficiaries nga wala makabaton sang 2025.
Ginsiling ni Alma Gustilo, Persons with Disability Officer sang DSSD nga may yara pa sang 796 ka mga grantees sang nagligad nga tuig ang wala mahatagan sang incentives.
Subong nga Lunes, ginpatigayon na ang payout sa 29 ka mga ladderized centenarian grantees sa Barangay Alijis, Handumanan, kag Felisa. Nakabaton ang mga ini sang tig 10,000 pesos.
May mga nakaline-up naman nga schedule ang DSSD sa tagsa ka mga barangay.
Siling ni Gustilo, naga-allocate ang siudad sang 14 million pesos kada tuig para sa mga ladderized centenarian grantess ukon mga tigulang nga naga edad 80 tubtub 99 anyos.
Nagpain naman ang siudad sang 1 million pesos para sa mga centenarian grantees ukon naga edad 100 pataas. Ang tagsa sarang makabaton sang 100,000 pesos.
Bukas na sa karon ang application para sa mga ladderized centenarians kag centenarian grants para sa tuig 2026.
Agud ma-validate, kinahanglan sang applicants nga mag present sang ila birth certificates agud ma pamatud-an ang ila edad.
[sibwp_form id=1]