Pati ang mga naga puyo sa higad sang dalan sa Bacolod ang dapat man nga mabakunahan.
Ini ang suno sa iya Dr. Chris Sorongon, ang deputy for medical data and analysis sang Bacolod Emergency Operations Center.
Nalabayan niya kaina ang ini nga pamilya nga naga puyo sa gwa sang daan nga building sa 6th Street kag naga baligya sang pagkaon. Sang iya gin usisa natukiban nga pila lang sa ila ang nabakunahan.
Gani iya sila nga gina haylo nga magpabakuna.
Nagpasalamat man ang ini nga mga pumuluyo nga mga taga Escalante City pa nga nabakunahan na sila.
Suno kay Sorongon bangud sa mga taga Bacolod ang gina baligyaan sang sini nga mga persona sang pagkaon, dapat pati sila vaccinated man. Exposed man sila katama kay yara lang sila naga istar sa higad sang dalan.