Isa ka serious concern suno sa probinsya sang Negros Occidental para sa local government, sa mga fisherfolk kag coastal communities ang sini lamang nga desisyon sang Korte Suprema nga naga tugot sang pag pangisda sang mga commercial fishing vessels sa sulod sang 15-kilometer municipal waters.
Damlag pa, ang mga magagmay nga mangingisda nag pabutyag na sang pag kabalaka sang epekto sang amo nga desisyon sa ila nga palangabuhian, wala labot sa gina paabot mangin epekto man sini sa marine resources.
Daku ang papel sang baybayon sa palangabuhian sang masobra 45,000 ka marginalized fishing communities nga may 472 ka fisherfolk associations gikan sa 25 ka coastal cities and municipalities sang probinsya.
Sa official statement nga gin lagdaan ni Negros Occidental Governor Eugenio Jose Lacson, ginapawagan ang tanan nga stakeholders nga naga lakip sang government agencies, academe, civil society kag publiko nga mag-isa agudto mapangapinan ang magagmay nga mga mangingisda kasubong man ang sustainability sang coastal kag marine ecosystems.
Gina-affirm sang probinsya ang commitment sini nga mapangapinan ang kinamatarung sang municipal fisherfolk sa pagduso sang continued preferential access sang small-scale fishers sa 15-kilometer municipal waters.
Naga isa ang probinsya sa masobra 2 million small-scale fishers sa bilog nga pungsod.
Nagsulat na si Governor Lacson kay Vice Governor Jeffrey Ferrer nga naga hinyo sa Sangguniang Panlalawigan sa pag pasar sang resolution na naga pabutyag sang grave concern angut sa desisyon sang Korte Suprema nga naga tugot sang bukas nga commercial fishing sa municipal waters kag naga panawagan sang gilayon nga protective measures.
Ginsiling man ni Atty Julie Bedrio ang pamuno sang Provincial Environment Management Office nga madamo pa gid sang iban nga grupo, mga council, mga fisherfolk association nga naga pabutyag sang kabalaka kag naga panawagan man sang nagakaigo nga tikang angut sa amo nga desisyon.
Nag-ugat ang kaso sang ginkwestion sang Mercider Fishing Corporation ang Constitutionality sang pila sa mga provision sang Fisheries Code kun sa diin gin rule sang korte nga ang municipal water isa ka natural resource nga gina panag-iyahan sang state gani na delegate sang Constitution sa concerned nga national government agency kag indi sa LGU.
Ginsiling naman ni Senador Francis Tolentino nga iya iga duso ang pag amend sa Fisheries Code of the Philippines para mapangapinan ang mga apektado nga mangingisda.