Pagsulundan sa pag gamit sang helmet sang mga motorcyle riders sa city proper sang San Carlos ang gin-lift.
Tuyo sini nga mapa nubo ang crime incidents sa siudad kasubong man mas mapadasig ang pagkilala sang mga suspek.
Ang Executive Order ang ginpa gwa kasunod sang natabo nga pag panghaboy sang granada sang isa ka nagasakay sa motorsiklo sadtong Pebrero 27 kun sa diin tatlo ang nagkalasamaran.
Namutikan nga kalabanan sa mga krimen sa siudad ang nabuhat sang mga yadtong naga gamit sang helmet para matago man ang ila nga identity suno sa EO.
Ang EO nga gin lagdaan ni Mayor Renato Gustilo, naga mando sang pag lift sang order nga naga patuman sang pag gamit sang helmet sang mga motorcyle riders sa city proper.
May limit man sa speed sini sa 40 kilometers per hour.
Naka butang man sa EO, nga gina require ang pag gamit sang helmet sang mga motorcycle rider pa gwa sa siudad kag ini ang nagalakip sang gikan sa Sancaville Subdivision sa Barangay Rizal, gikan sa Citi Hardware kag gikan sa Kalingking Bridge.