Pagpatuman sang cloudseeding sa Negros Occidental naga pabilin sa gihapon nga option.
Pero sa sitwasyon karon suno kay Governor Eugenio Jose Lacson basi indi naman kinahanglan pa nga ipatuman ini.
Naka istorya ni Governor Lacson ang mga gikan sa southern Negros kag nalipay na sila sang pagtupa sang ulan. Bugana na suno sa ila ang ang pagtupa sang ulan.
Gani suno sa gobernador kun basehan ang sitwasyon karon mahimo nga indi na kinahanglan pa ang cloudseeding.
Damlag pa gin-pauntat sang probinsya ang natalana nga cloudseeding sa Negros Occidental bangud sang posibilidad sang lahar flows kasunod sang pag lupok sang bulkan Kanlaon.
Nadayon naman ang cloud seeding sa Panay.
Naghinyo sadto ang mga planters sang cloudseeding agudto ma induce ang ulan labi na nga sa una nga mga semana sang Hunyo indi supisyente ang pagtupa sang ulan kag nagsugod na ang planting season.