Paagi sa isa ka sulat nga ginpadala sang Bacolod City Transport and Traffic Management sa Sanguniang Panlungsod, ginapangabay sini nga ang pag-amend sang sukot sang pagkuha sang permit para sa mga running events sa siudad.
Suno sa BTTMD, nagadamo na ang running events sa siudad kag halos kada semana may ara sang mga fun runs nga ginpatigayon ang mga pribado kag pambubliko nga institution.
Apisar nga maayo ini sa ikaayong lawas sang publiko, naga-require man ini sang traffic management nga kinahanglan tun-an sang BTTMD, pag-reroute sang mga salakyan, kag pag-deploy sang mga personel sang siudad.
Ginsiling ni Councilor Jude Sayson nga wala makadangat sa isa ka libo ka pesos ang ginabayad sang mga organizers agud makakuha sang permit.
Ginaduso sang BTTMD sa SP ang 10,000 pesos nga minimum permit fee sa mga running events samtang 100,000 pesos naman kun masobra sa 42 kilometer run ang event.
Natalana nga talakayon sang SP ang proposal sang BTTMD sa masunod nga session.
Suno kay Sayson, ila pa pagatun-an ini kag posible nga mahatag lang sang mas manubo nga permit fee sa mga run for a cause nga events.
[sibwp_form id=1]