Lain-lain man ang pagpanghangkat dala sang Covid-19 kag sang estado sang palibot pero kasubong sila nga global concern kag nagakinahanglan sang pag-isa sang tanan.
Ini suno kay Governor Eugenio Jose Lacson sa iya nga mensahe sa pagbukas sang Galing Pook Photo Exhibit kag Earth CPR Campaign sa SM City Bacolod kadungan man sa pagsaulog man sang Earth Day.
Ang pag recover sang ecosystem kag ang pag conserve sang nabilin pa ang labing kinahanglanon, rason nga dapat hatagan ini sang tiempo, painan sang resources kag naga kaigo nga atensyon.
Tinutuyo naman sang exhibit nga mapa ambit sa publiko ang pagkilala bahin sa good governance nga nahatag sa probinsya.
Ang Network of Alliance for Coastal Conservation isa sa top 10 awardees sa Galing Pook Awards.
Ang proyekto nga nagatuyo sa conservation, protection kag rehabilitation sang coastal wetlands kag marine resources ang nagtuga sang pagtukod sang network sang alliance.