Para sa Progressive Alliance of Capitol Employees ang desisyon nga ginpapanaog sa HR head sang Negros Occidental isa ka critical affirmation sang kinamatarong sang mga trabahante.
Sa gin padala nga statement sa katapo sang media sang PACE, ginsiling man nila nga ang pag kakas sa serbisyo kay Atty Anabelle Palic naga hatag sang importansya bahin sa pag uphold sang professional ethics, transparency kag accountability sang institution.
Si Palic ang nakit-an nga administratively liable para sa grave misconduct, oppression, conduct prejudicial to the best interest of the service, kag being notoriously undesirable.
Siya ang ginreklamo sang pila ka mga naga trabaho sa Kapitolyo.
Ila nga gina pasalamatan ang investigating authorities kag oversight bodies para sa maid-id kag impartial nga pag-uyat sang kaso. Naga pakita ini suno sa ila nga wala sang may sin-o man nga naga pangibabaw sa accountability.
Ang union suno sa PACE ang committed sa pag pangapin sa kinamatarung sang mga empleyado.
Si Palic ang nag-file na sang motion for reconsideration sa desisyon nga gin papanaog.
Wala siya maka hatag pa sang iya nga pahayag sa katapo sang media.