Dakop sa CCTV ang pag bunggo sang motorsiklo sa isa ka lalaki nga bag-o lang naka panaog sa jeep.
Sa sini nga CCTV footage makita nga ang ini nga lalaki ang bag-o lang gid panaog sa depasahe nga salakyan. Wala maka pahigad ang depasahe nga salakyan sa pag panaog sang pasahero.
Ang pasahero, pag panaug sa salakyan nag rekta na lakat pa merkado sang hinali na lang nga ma bungguan sang sini naman nga motorsiklo nga naga hagunos.
Nadusdus sang maka dali ang lalaki antes mahulog sa dalan.
Gindala sa ospital ang lalaki. Suno sa Police Station 4, wala na magpa blotter pa ang biktima kag gin areglo na siya sang naga dala sang motorsiklo. Naka gwa naman siya sa ospital matapos nga gin bulong ang iya nga minor injuries.