Maga balik ang inter-island public transport ukon ang biyahe sa Negros Oriental kag Occidental kun mag mangin maayo na ang assessment sa Covid situation.
Suno kay provincial administrator Rayfrando Diaz naga pabilin nga ang mga private vehicles lang sa gihapon ang maka sulod sa Negros Occidental lakip na ang compliance sang mga pasahero sini sa SPASS.
Damlag pa nag hinyo ang Vallacar Transit sang resumption of trips sa tunga sang duha ka probinsya. Pero kasunod sang pinaka ulihi nga status sang Negros Oriental kun sa diin na classify ini nga high risk kag gin paidalom sa alert level 4 sang nag patigayon sang assessment ang Negros Occidental.
Sandig sa assessment, suno kay Diaz, mas daku ang risgo sa bahin sang Negros Occidental kun mag tugot ini sang mas sulhay nga pag pasulod sa probinsya gikan sa Negros Oriental. Suno kay Diaz nagsapol si Negros Occidental Governor Eugenio Jose Lacson sa Provincial Incident Management Team bahin diri.
Pero gina pangitaan man sang pamaagi suno kay Diaz nga mag bukas ang Negros Occidental para sa mga vaccinated individuals, basta ang mga vaccination card verifiable ukon may QR code.
Ginalauman nga mag mangin maayo man ang sitwasyon sang Negros Oriental agudto makabalik man sa normal ang transporation sa duha ka probinsya. Low risk ang Negros Occidental kag yara sa alert level 2.