Pag balik sang 5-day work week sa kapitolyo probinsyal ang natalakay na pero si Negros Occidental Governor Eugenio Jose Lacson na ang mag pat-od kun san-o ini liwat ipatuman.
Kasunod sang pagsaka sadto sang kaso sang Covid-19 ginpatuman ang 4-day work week.
Suno kay provincial administrator Rayfrando Diaz naga bantay man ang probinsya ilabi na sa karon nga may recorded cases na sang Omicron variant sa pungsod – ang variant nga nag igo man sa karon sa mga European countries nga nag resulta sa pagsaka sang kaso sang Covid- 19 sa ila nga mga lugar.
Kadam-an ang nagpatuman na gani sang work from home. Luyag sang probinsya nga indi mag pa dali-dali.
Sa 4-day work week tigayon man na deliver ang mga serbisyo nga wala sang delay suno kay Diaz.