May masobra sa 700 ka mga Tupad beneficiaries ang maga baton sang pay-out bwas nga adlaw. May iga turn-over man nga mga machine nga naga balor sang 9.2 million pesos.
Plastado na ang venue sa provincial capitol Lagoon para sa pay-out bwas nga adlaw kasubong man sa turn-over sang makinarya.
Ini may kaangtanan sa nationwide distribution sang comprehensive government assistance may kaangtanan sa pagsaulog sang birthday ni Presidente Ferdinand Marcos Jr., bwas.
Suno sa Kapitolyo Probinsyal ang Department of Labor and Employment ang maga panagatag sang 3,705,600 pesos nga balor sang assistance sa 772 tanan ka mga benepisyaryo gikan sa mga barangay sang Bacolod, Cadiz kasubong man mga KADIWA sellers.
May 363 naman ka mga TUPAD beneficiaries gikan sa Silay City ang ipaidalom sa orientation.
Ang Department of Agriculture ang maga turn-over naman sang traktora, tatlo ka combine harvester kag tatlo ka hand tractor.
Ang Bureau of Fisheries and Aquatic Resources naman ang maga panghatag sang fingerlings kag engines.
Samtang ang DOLE upod ang Provincial PESO ang maga patigayon sang Job Fair sa Activity Center sang Ayala Malls las 10 sang aga tubtob las 4 sang hapon kun sa diin may 21 tanan ka mga kumpanya ang maga pakigbahin.