Halin sa P13, ginsuguran na ang pagsukot sang piso nga dugang sa plete sa mga modernized jeep.
Pero bisan P14 na ang plete may mga pasahero gihapon nga mas ginapili magsakay sa modernized jeep bangud mas komporatable sila sa pagbyahe.
May pila pa ka mga modernized jeep nga nagapabilin sa P13 ang minimum fare bangud wala pa sila makakuha sang taripa.
Nagapabilin man sa P11 ang minimum fare sa traditional nga jeep.
Ang drayber nga si Shervin Gregorio nagaduha-duha magkwa sang fare matrix para sa dugang nga piso sa plete.
Ini bangud nabalaka siya nga kun magpasaka pa sang plete basi mabuhinan pa gid ang iya mga pasahero nga nagasaylo na sakay sa mga modernized jeepney.
Magluwas sa jeep gin aprobahan naman sang Land Transportation Franchising and Regulatory Board ang pagpatuman sang P45 nga flag down rate sa taxi.