Sa Araneta Street sa tabuk sang Bacolod City Government Center Replica nagtipon ang mga ginatos ka katapo sang progresibo nga grupo para isinggitan ang ila demanda para sa mamumugon karon nga gina saulog ang Labor Day.
P1,200 nga across the board wage increase ang ila nga ginahinyo.
Suno sa grupo nga gina tapuan sang Kilusang Mayo Uno upod ang mga kaalyado nga organisasyon sini, Bukluran ng Manggagawang Pilipinas kag Partido ng Manggawa, kulang ang gina ganar karon sang mga mamumugon.
Magluwas sa saka sa sweldo nagpanawagan man sila sang hustisya para sa community journalist nga si RJ Ledesma nga isa sa 19 nga napatay sa engkwentro sa Toboso.
Lakip man diri ang kahilwayan ni Julie Balora sang National Federation of Sugar Workers nga isa ka labor organizer pero gindakop sang pulis sadtong Abril 22 sa Talisay City bangud sang illegal possession of firearms and explosives kag gina siling man nga katapo sang NPA.
Panawagan naman sang mga drayber ang ayuda sa tunga sang pagtimbook sang presyo sang langis.
Pagbasura sa VAT kag Excise tax ang ginpanawagan man sang grupo.*
[sibwp_form id=1]